اغیارکه راته جوړ کړي په کورونو کې دېوال
بورا ته څه مزل دی په ګلونو کې دېوال
چې کور درنه خطا نه شي زما د لیونۍ
پناه یې دی د بېرې په ښاخونو کې دېوال
زمونږه غریبانو خو دېوال نشته د کور
د خلکوپه ذهنونو او په زړونو کې دېوال
په تورو، تورو زلفو کې دې نېغه سپینه لار
ښکاریږي لکه تورو، تورو غرونو کې دېوال
نفرت په یوه کاله کې دېوالونه کړي راجوړ
الفت د مینځه لر کړي په ملکونو کې دېوال
وطن د پښتنو دی سترګې کله ټيټوم
پېغور دی د پښتو په دېوالونو کې دېوال
ساده رقیب ته ګوره نیسي لار د اباسین
ټینګیږي نه کم عقله په موجونو کې دېوال
اباسین یوسفزی
0 comments:
Post a Comment