غزل
مراد خان شينواري
مراد خان شينواري
په يارانه باندې مجبوره نۀ ده پښتنه پيغله ده مزدوره نۀ ده
د يارانې په چل جوړ وپوهيده ګودر له راغله خو تروره نۀ ده
په پښتنه ليلا چې ځان کړي لوګے داسې ځلمي باندې مور بوره نۀ ده
په يو غوټه کښې ئې زړۀ يوړو له ما تۀ اوس هم وائې چې باتوره نۀ ده
رقيبه بس دے نوره خلۀ ونيسه ياري ګټلې چا په توره نۀ ده
هغه دے تت غوندې منزل ښکاري قدم راواخلئ تيارۀ ګوره نۀ ده
زما ئې فکر جنتي غوندے کړو زاهد لا اوس هم وائي حوره نۀ ده
پام په تريخوالي ئې چې تير نۀ وځے هسې نخرې کوي مغروره نۀ ده
چې زما غاړه د بل پړے وي تل داسې ياري ماته منظوره نۀ ده
0 comments:
Post a Comment