اوس چې مې نه کوي پوښتنه بيا دې نه رادرومي
زما چې روح لاړ شي له تنه بيا دې نه رادرومي
چې نه ګيلې ورته کوى شم نه يې سترګې وينم
څه د اشنا پدې راتلنه بيا دې نه رادرومي
په سر مې لاس د تسلۍ نږدې ژړېږم ځکه
داغ لګوي مې په لمنه بيا دې نه رادرومي
چې د رقيب سره راځي ته يې زغملى نه شې
زما زړګيه! ګيله منه بيا دې نه رادرومي
د يار ليدل يې د مودو نه وو ارمان په زړګي
"صالح" چې مړ شي بې ديدنه بيا دې نه رادرومي
صالح آفریدی
0 comments:
Post a Comment