وصل بې مزې شو د بيلتون نه مزې لاړې،
مانه مزه لاړه که ژوندون نه مزې لاړې،
هغه سادګي هغه ليلا وختونو يوړه،
ځکه ددې دور د مجنون نه مزې لاړې،
زهر د نفاق ئي د پښتو مزو له ورکړل،
ځکه خو د نن سبا پښتون نه مزې لاړې،
داسې د لارښودو مکارو ذرې،ذري کړې،
نور د دغه چغو د بدلون نه مزې لاړې،
ګرځي ئي حقدار کاسه په لاس لکه ملنګ،
پريږده د انصاف او د قانون نه مزې لاړې،
منډو د روزګار رانه د ناستې وخت نيولې،
لاړلي طيبه د زنګون نه مزې لاړې،
0 comments:
Post a Comment