Sunday, September 30, 2012

lewanai mene kram ashna da bayabana sara

لېونۍ مينې کړم اشنا د بيابانه سره

پرېږدئ چې ګرځم لېونی په غرونو

اوس راته غرونه ګړنګونه

ښکاري د مينې مهالونه

د غره په سر کيږډۍ وهمه د جانانه سره

پرېږدئ چې ګرځم لېونی په غرونو

د چا د شوخ نظر لپاره

په غرونو ګرځم ناکراره

ماته دې غوره ببر سر څيری ګرېوانه سره

پرېږدئ چې ګرځم لېونی په غرونو

د لېونۍ مينې د لاسه

ناست يم د غم د غره د پاسه

د تصور په ټال زنګېږم د خپل ځانه سره

پرېږدئ چې ګرځم لېونی په غرونو

مينه کې دومره بې پروا يم

چې اوس خوشاله په سارا يم

د مينې شور مې لګېدلی د اسمانه سره

پرېږدئ چې ګرځم لېونی په غرونو

سېلابه زړه راته ژړيږي

وړې سلګۍ مې نه ودريږي

اخر به لاړ شم له دنیا نه د ارمانه سره

پرېږدئ چې ګرځم لېونی په غرونو





ارواښاد امان الله ساپی سېلابAmaullah Sylab Sapi

0 comments:

Post a Comment